Nel, siéntote, mancame sentite, pero siéntote, no fondero, onde siempre tuviste, nin puedo, nin quiero arráncate, vieneme’l to recuerdu, una y otra vegada, ensin querelo, ensin búscalo, y siéntote equí, como ayeri, como siempre.
Fícimos Camín, cola seguranza del afitamientu nun collaciu, ensin priesa, parando cuando mos apetecía, enseñasteme la to tierra, la to vida, la to familia, qu’agora también ye mía, los tos soaños, y mirando’l to valle fuimos llibres, como poques vegaes; fuimos llibres mirándonos a la cara como paisanos.
Que grande yeras, tar al to llau yera ser ún más, enxamás apartaste a naide, enxamás un mal xestu, una mala pallabra, nadie nun puede decir que tabes penrriba d’elli, y esa yera la to grandeza, porque naide taba al to altor.
Nun puedo brindar contigo, nun podemos glayar xuntos que viva la república, pero nun escaezco cada vegada que ficimoslo, nun escaezo la to sorrisa, la to humanidá.
Nestos momentos h.odeme’l tiempu perdío, el que non tuvimos xuntos, el que mos robaron el trabayu, la distancia, la fatiga, la dexadez; y duelme, duelme por que nun voy poder recupéralo.
Acabóse, escribote sabiéndo que enxamás lleerás esto, pero teo de facelo, porque tas equí, porque soi ruin y nun quiero que coles, entovía non, aunque sé que’l to sitiu ye esnalando, maxín ente maxín, qu’el to mundiu ye’l de les idees, el de la creatividá.
Quedáronos munches coses pendientes, demasiaes, pero lo que nun va quedame ye’l date les gracies, por too, por nada diríes tu, y ye precisamente por ese por nada polo que quiero dateles, por too.
Siéntote compañerín, siéntote, y máncame, ye verdá pero nun quiero dexar de sentite.
Y con esto que has escrito creo que no hay nadie que lo haya leído que no "sienta" a Nel Amaro.
ResponderEliminar