Pa una ayalgina

Sé que la poesía nun ye lo mio, pero de xemes en cuando pídemelo'l cuerpu. y nun había meyor motivu qu'esti.

Pa Emma

Siento esnalar les caparines,

Xixilando’l soañu,

De la mio neñina.

Quieren posase na to cunina,

Pa mírate y cañicate

Con gran gayolina.

Duermi tranquila,

duermi mio neña

qu’esta nuechi

 ye pa mio Emma

Ximielgu de cuna

Folixa d’esnales,

Sorrisa de lluna

Foles marines

Que quieren besate

Les tos manines

Duermi tranquila,

duermi mio neña

qu’esta nuechi

 ye pa mio Emma

Sábanes de flores,

Ropina de ciñu,

Y cobertoria d’amores

Tenrura como esta

Enxamás atoparas

Que nun seya nos brazos

De los tos pas

Duermi tranquila,

duermi mio neña

qu’esta nuechi

 ye pa mio Emma